Вчерашниот тренинг на ПСЖ беше одбележан од враќањето на голем број репрезентативци, а меѓу нив беше и оној најсреќниот и најрасположениот, новиот светски шампион, Фабијан Руиз.
Шпанскиот играч за врска го почна турнирот како резерва, но во продолжение од турнирот повторно ја покажа својата класа на дело, па како тивок херој кој ретко добива комплименти во јавноста, Луис Енрике сега реши да го возвише името на Руиз пред да почнат главните дебати за „Златната топка“.
Најпрестижното индивидуално признание оваа година ќе се додели во месец октомври, па на два месеци пред церемонијата, Лучо го спомена Фабијан Руиз како фудбалер кој дефинитивно ја заслужува наградата.
– Фабијан е „Златна топка“. Го освои мундијалот, го освои Европското првенство пред две години, освои две титули во Лигата на шампиони во низа, ја освои и Лигата на нации.
– Освои се што можеше да се освои и јасно е дека Фабијан ја заслужува наградата, останува да видиме дали неговото име е доволно атрактивно за да ја добие, – изјави Лучо во свој стил.
🗣️ Luis Enrique qui énumère tout le palmarès de Fabian Ruiz, il manque plus que le Ballon d’Or 🏆🇪🇸 pic.twitter.com/6GdUxG0284
— MEGA PSG 🇵🇸 (@MegaPSG_) August 10, 2026
