Претставничкиот дом на САД усвои закон за воведување трајно летно сметање на времето, кој го поддржаа пратеници од двете партии, со цел да се избегне сезонското поместување на часовниците. За време на гласањето, републиканец пушти песна од Битлси како симболично одбележување на важноста на законот.
Претставничкиот дом на САД вчера гласаше за воведување трајно летно сметање на времето, усвојувајќи закон наречен Sunshine Protection Act.
За предлог законот гласаа 308 пратеници, а 117 „против“. Пратениците од двете партии го поддржаа законот, со кој ќе се елиминира потребата Американците да ги менуваат часовниците двапати годишно и наместо тоа ќе се одржи сегашното време од март до ноември, познато како трајно летно сметање на времето, преку целата година.
Републиканскиот претставник Скот Дежарле, кој претседаваше со гласањето, ја пушти песната „Here Comes the Sun“ од Битлси на својот мобилен телефон за време на конечното пребројување на гласовите.
Haven't seen this before- presiding officer Scott DesJarlais (R-TN) tries, with difficulty, to mark the passage of legislation (the Sunshine Protection Act, to make daylight savings time permanent) by playing music (the Beatles' "Here Comes The Sun") from the chair on his phone pic.twitter.com/uySMKvzGeN
— Aaron Fritschner (@Fritschner) July 14, 2026
Прашањето за промена на часовниците со години го поддржуваат пратениците од двете партии, а претседателот Доналд Трамп вети дека ќе го укине поместувањето на часовниците по враќањето во Белата куќа.
Републиканскиот претставник Верн Бјукенен од Флорида, кој го предложи законот во јануари 2025 година, вчера изјави дека промената на времето ги нарушува распоредите на луѓето „без добра причина“.
Откако Претставничкиот дом го усвои законот, Сенатот наскоро би можел да започне со своја верзија на законот. Републиканскиот сенатор Рик Скот од Флорида предложи идентичен закон во јануари 2025 година, исто така наречен Sunshine Protection Act.
