Семејно куче од Конектикат стана херој на семејството Тазара откако храбро го заштитило момчето, кое си играло пред куќата, од мечка што се стрчала кон него.
Снимката, која ја забележала надзорната камера на куќата на Џефри Тазара, го прикажува неговиот мал син како стои во дворот, кога се појавува црна мечка која со голема брзина трча кон детето.
Додека момчето се повлекува, се гледа како Бела, мешанка од хаски, дотрчува од другата страна на дворот и ја брка мечката, кружи зад животното и застанува меѓу мечката и момчето.
Family dog swoops in to save six-year-old from charging bear. FULL STORY 👉 https://t.co/LD1apsKBjL pic.twitter.com/avEmSue1Zn
— Alaska's News Source (@AKNewsNow) July 9, 2026
Мечката, очигледно исплашена, брзо се свртела и продолжила да трча, провлекувајќи се под чамецот паркиран во дворот.
Тазара изјави дека снимката била направена во саботата во неговиот дом во Конектикат. Во изјава за „ABC News“ рече дека се пакувал и се подготвувал да замине на прослава по повод 4-ти јули кога го слушнал лаењето на своето куче.
„Лаеше жестоко, не како што обично лае, цвили, завива и слично... ова беше поинаков вид лаење“, раскажа тој.
Тазара рече дека тогаш ја видел Бела како ја брка мечката пред неговиот шестгодишен син, кој стоел пред него.
„Бела конечно ја стигна мечката, точно на средината од приодот, и ја касна за задниот дел, а мечката се удри во мојот чамец, а потоа мислам дека се провлече под чамецот, па низ задниот дел меѓу куќите и замина во шумата“, рече тој.
Тазара изјави дека планира да ја награди Бела со стек на следната семејна вечера, но додаде дека таа и онака веќе живее прилично добро.
