Кристијано Роналдо го остави зад себе својот шести мундијал и не успеа да стигне блиску до посакуваниот трофеј ниту во последниот обид, но по поразот од Шпанија, самиот нагласи дека една од трите освоени титули има значење на Светско првенство.
Португалскиот капитен ја посочи титулата од Европското првенство како трофеј кој е еднаков на еден фудбалски мундијал и апострофираше дека оставил богато наследство за оние кои треба да го заменат во репрезентацијата, па додека јавноста се прашува дали тој и во иднина треба да го носи португалскиот дрес, еден негов поранешен соиграч реши да се огласи за последното мундијалско патување.
Луиш Нани ја делеше соблекувалната со Роналдо и на клупски и на репрезентативен план, а и покрај тоа што многумина сакаат да ја обезвреднат работата на Кристијано, поранешното крило на Јунајтед вели дека фактите зборуваат повеќе од било кое дело.
– Наследството кое го оставаш во националниот тим и во фудбалот зборуваат сами за себе. Постојат приказни и моменти што ниту еден резултат не може да ги избрише. Крис, имав привилегија да доживеам голем број од овие моменти со тебе и добро знам што се направи за овој дрес.
– Исто така, знам што значи овој дрес за сите што ја претставуваат Португалија денеска. Овој тим заслужува почит, поддршка и доверба. Сила за тебе и за целиот национален тим, – порача Нани.
