Како и секоја година, Вимблдон не е само во знак на врвниот тенис, туку и беспрекорните модни изданија на трибините. Меѓу оние кои привлекоа внимание беше и Јелена Ѓоковиќ, која со децата го бодрела сопругот и уште еднаш покажала дека со леснотија се вклопува во префинетата естетика на најпрестижниот тениски турнир во светот.

Имено за појавување на лондонскиот централен терен одбрала бел кошула-фустан со миди должина, парче кое се смета за еден од незаобиколиви летни класици. Моделот со кратки ракави го нагласила со тенко ременче со дискретни златни детали, со што го истакнала струкот и додала доза на женственост.

Ненаметлива елеганција

Целокупниот стајлинг останал верен на ненаметливата елеганција по која Јелена е препознатлива. Комбинацијата ја надополнила со дискретен накит, часовник и очила за сонце, а косата ѝ била едноставно стилизирана.

Кошулата-фустан веќе неколку сезони зазема посебно место во колекциите на модните куќи како „Ralph Lauren“, „Max Mara“, „The Row“ и „Toteme“. Модните експерти истакнуваат дека се работи за едно од најсестраните летни парчиња бидејќи подеднакво добро функционира и во деловни, дневни и свечени пригоди, а токму Вимблдон е едно од местата каде ваквиот крој доаѓа до полн израз.

Иако Вимблдон нема официјален дрес-код за гледачите, низ децениите се создаде своевиден непишан кодекс на облекување. Елегантните кроеви, ленот, памукот, светлите нијанси и безвременските класици се сметаат за најдобар избор за трибините на Ол Ингланд клубот, поради што белиот кошула-фустан претставува еден од најсоодветните избори.

Инаку Јелена негува префинет, минималистички стил во кој доминираат неутрални бои, квалитетни материјали и класични кроеви. Ретко одбира впечатливи или екстравагантни модни детали, а почесто се одлучува за безвременски парчиња што лесно се комбинираат и не подлежат на минливи модни трендови. Токму благодарение на таквиот пристап редовно е дел од најдобро облечените гости на тениските турнири и официјални настани.

Нејзината последна модна комбинација уште еднаш потврди дека понекогаш најголемиот моден впечаток се постигнува со едноставноста: бел кошула-фустан, тенок ремен и неколку внимателно одбрани модни додатоци беа доволни за едно од најелегантните модни изданија на првиот ден на Вимблдон.