Германскиот министер за одбрана Борис Писториус истакна дека со воспоставувањето на нов штаб за одбрана на Балтикот, НАТО покажува решеност да го брани секој дел од територијата на своите членки, потенцирајќи еднодушност и колективна одлучност.
Германскиот министер за одбрана Борис Писториус денес изјави дека воспоставувањето дополнителен штаб на НАТО за одбрана на Балтикот е доказ за решеност на Алијансата да го брани „секој сантиметар од сојузничката територија“.
Зборувајќи во Естонија на церемонијата на НАТО, Писториус оцени дека тоа е „видлива и силна демонстрација на единството, подготвеноста и колективната одлучност на НАТО“ да ги брани своите членки.
На церемонијата, командата на сојузничките копнени сили во Латвија и Естонија беше предадена на германско-холандскиот корпус.
Досега, силите на НАТО во Естонија, Латвија, Литванија и северна Полска беа под единствена команда на мултинационален штаб со седиште во Шчеќин, Полска.
