[ВИДЕО] Меси ги објасни своите мундијалски солзи по првиот гол против Алжир

Меси ги прифати барањата на сите Аргентинци и прифати да настапи на шести мундијал во својата кариера, а веќе на првиот меч урна и постави неколку мундијалски рекорди.

Лео се израмни со Клосе на вечната листа на најдобри голгетери на мундијалите (16), но со првиот хет-трик на еден мундијал, го израмни и рекордот на Габриел Батистута кој досега беше единствениот Аргентинец со три гола на еден меч на Светско првенство.

Во подготовката за мундијалот, Меси мораше да санира мала повреда и многумина се прашуваа во каква физичка форма ќе пристигне на мундијалот, но откако постигна мајсторски прв гол, стана јасно дека Лео е во посакуван ритам.

Меси се расплака по првиот гол против Алжир и остави слика која многумина ја коментираа на социјалните мрежи, но по мечот и постигнатиот хет-трик, самиот капитен откри за што се работи.

– Точно е дека се расплакав, но го направив тоа за работа која е целосно далечна од фудбалот. Минав низ тежок период и низ тешки денови, имав комплициран период. Благодарен сум им на моите соиграчи кои беа блиску до мене, кои ме поддржуваа и кои ми дадоа сила да бидам добар.

– Горд сум и почестен што ги израмнив рекордите на Клосе и Батистута, но тоа останува само статистика за мене. Тоа нема да промени ништо. Ги остварив најважните триумфи на клупски и репрезентативен план, се што следи е само бонус за мене, – изјави Лео.