Кон крајот на неделата, се заморуваме и често немаме инспирација, енергија и време да смислиме мени.

Затоа посегнуваме по брзи и проверени рецепти кои гарантираат вкусни и хранливи оброци.

Една таква е пастата карбонара со тиквички, која можеби на почетокот звучи необично, но кога ќе го изедете првиот залак, ќе заборавите на сè што сте помислиле.

Состојки:

400 г шпагети;
200 г панчета;
1 голема тиквичка;
4 жолчки;
100 г рендан пармезан;
1 чешне лук;
Маслиново масло;
Мелен пипер;
Сол по вкус.

Подготовка:

Сварете ги шпагетите, но зачувајте дел од водата за готвење (околу половина чаша) и потоа исцедете ги тестенините.

Загрејте малку маслиново масло во тава, потоа додадете ја панчетата и лукот. Пржете додека не поруменат и не станат крцкави, потоа извадете го лукот.

Потоа додадете ги тиквичките што сте ги изрендале или исечкале на кругови и крчкајте неколку минути, додека не омекнат.

Во посебен сад измешајте ги жолчките, пармезанот и пиперот.

Додајте ги исцедените шпагети во тавата со панчетата и тиквичките, добро измешајте, а потоа тргнете од оган.

Во смесата од јајца и пармезан додадете малку од водата зачувана од готвењето на тестенините, колку што е потребно за да се направи кремаст сос и измешајте ја во пастата.

На здравје!