Затоа, слатките што не се печат се вистински хит во летните денови, а меѓу нив особено се издвојува слаткото познато како турска принцеза.

Оваа необична торта е направена од состојки што многумина веќе ги имаат дома, а најважен е препечениот леб, што ѝ дава мека и лесна структура. Ако ја комбинирате со шлаг, суво овошје и јаткасти плодови, ќе добиете освежителен десерт кој се подготвува брзо, а по неколку часа ладење е совршен.

Состојки:

1 пакување препечен леб;
1 чаша млеко;
1 чаша лешници;
една шака бадеми;
200 г шлаг во прав;
една шака суво-грозје;
една шака суви кајсии.

Подготовка

Прво, матете го шлагoт со млекото, додавајќи ја течноста постепено додека не добиете цврста и мазна текстура. Оставете го во фрижидер околу половина час да се стврдне.

Во тоа време, ситно исечкајте го сувото грозје, а кратко сомелете ги или исечкајте ги бадемите и лешниците. Не треба целосно да се мелат до прашкаста текстура, бидејќи малите парчиња ќе ѝ дадат на тортата поубава текстура.

Измешајте ги јаткастите плодови и сувото-грозје во изладениот шлаг, а препечениот леб исечкајте го на мали коцки и додадете го во смесата, а потоа внимателно соединете сè.

Распоредете ја подготвената маса во калап обложен со проѕирна фолија. Израмнете со лажица или шпатула и нежно протресете го калапот за рамномерно да се распореди смесата.

Потоа оставете го колачот во фрижидер најмалку три часа, а уште подобро преку ноќ.

Пред сервирање, внимателно извадете го од калапот и превртете го на послужавник. Потопете ги сувите кајсии во топла вода околу петнаесет минути, добро исцедете ги и украсете го колачот со нив.

На здравје!