Дуа Липа и Калум Тарнер ќе се венчаат оваа недела во Италија, а тридневната прослава на Сицилија ќе следи по граѓанската церемонија одржана во недела во Лондон.

Тоа е настан кој веќе се нарекува свадба на годината, а подготовките за доаѓањето на познатата двојка и нивните гости се во полн ек.

Големи безбедносни мерки во Палермо

Поради свадбата, два градски плоштади во Палермо наводно ќе бидат целосно затворени – Пјаца Санта Ана и Пјаца Кроче деи Веспири.

Полицијата и обезбедувањето се подготвуваат да постават „челичен прстен“ околу плоштадот од четврток до сабота. Интересно е што локалните власти издадоа нејасно соопштение во кое тврдат дека подготвуваат „демонстративна продукција“, наместо официјално да ја потврдат свадбата.

Жителите на Палермо се бесни поради свадбата на позната пејачка

„Сè се чува во најголема тајност. Обезбедувањето е приватно, но локалната полиција е исто така вклучена во организацијата.

Плоштадите што ќе бидат затворени секако се пешачки зони, а властите ја искористија приказната за „плоштадната демонстрација“ на Пјаца Санта Ана и Пјаца деи Веспири како изговор за поставување бариери и спречување на пристап на пешаците“, изјави извор.

Раскошната прослава донесе и строги упатства за жителите на Палермо, од кои некои наводно морале да потпишат договори за доверливост. Мислењата на граѓаните за затворањето на плоштадите беа поделени, а некои на шега прашаа дали Дуа Липа ќе им даде бесплатен концерт на плажа за возврат.

Луксузни локации и ѕвездени гости

Свадбата на поп-ѕвезда и актер предизвика огромен јавен интерес. Двојката наводно не штедела пари за прославата, па затоа го резервирале целиот кат од луксузниот хотел Вила Игеа со поглед на Тиренското Море. Самата церемонија ќе се одржи во Вила Валгуарнера, најпознатиот имот во Багерија во близина на Палермо. Централниот дел од забавата во сабота ќе се одржи во палатата Ганги.

Се очекуваат околу 300 гости, вклучувајќи го семејството и пријателите, од кои некои ќе пристигнат на островот со приватни авиони. Меѓу познатите имиња кои добија покана се Елтон Џон, Марк Ронсон, Чарли Екс-Си-Екс и Донатела Версаче.