По ракетниот напад од Иран врз Кувајт и Бахреин, арапските земји изразија силна осуда поради погодените цивилни објекти и предупредувања за растечка нестабилност во регионот.
По ноќниот ирански ракетен напад врз Кувајт и Бахреин, во кој загинало едно лице, а над 60 се повредени, на Блискиот Исток избувна силна дипломатска криза.
Кувајт, Бахреин и повеќе арапски држави остро го осудија нападот, наведувајќи дека биле погодени цивилни и витални објекти, како и дипломатска мисија. Обединетите Арапски Емирати и Саудиска Арабија го нарекоа нападот „терористички чин“ и тешко кршење на меѓународното право.
Осуди пристигнаа и од Катар, Јордан, Јемен и Либан, при што повеќето држави предупредија дека ваквите акции ја зголемуваат нестабилноста во регионот и претставуваат директно кршење на суверенитетот на државите.
