Она што на прв поглед изгледа како сина лава, всушност е нешто сосема друго.
Вулканот Кава Ијен, кој е дел од вулканскиот комплекс во источниот дел на островот Јава во Индонезија, е заслужен за глетката која како да не е снимена на нашата планета.
Она што на прв поглед изгледа како сина лава е всушност резултат на согорување на гасови кои излегуваат низ пукнатините на вулканот под висок притисок, на температура и до 600 степени Целзиусови.
Во контакт со воздухот, гасот гори и се разгорува до пет метри во висина. Некои гасови се кондензираат во течен сулфур, кој и понатаму гори додека тече низ кратерот на вулканот, создавајќи илузија на сина лава, пишува „Pun kufer“.
Сините пламени се вообичаена појава при ерупција на вулкан во моментот на експлозија на пепел.
Случајот со „сината лава“ на Јава не е единствениот забележан во светот. Сини вулкански пожари се опишани уште во античко време во Италија, на јужната падина на Везув, како и на италијанскиот остров Вулкано.
