Парот разменувал насмевки, се држел за раце и уживал во друштво на други гости, а нивните фотографии брзо го привлекле вниманието на јавноста.

Кроу (61) и Териот (42) биле блиски во текот на целиот натпревар. Во еден момент актерот ја бакнал својата партнерка, а потоа биле видени како се држат за раце покрај теренот.

За појавувањето во Париз, Кроу избрал темносин костум со елек и светлосина вратоврска, додека Териот носела предимензионирано црно сако со златни детали врз бела кошула, во комбинација со очила за сонце и минималистички накит.

Нивното заедничко појавување доаѓа откако оскаровецот претходно оваа година јавно реагирал на шпекулациите за разликата во години меѓу него и неговата партнерка.

На социјалната мрежа Икс, Кроу истакнал дека со години се повторуваат неточни тврдења дека неговата партнерка е значително помлада. „Мојата драга Бритни има 42 години. Јас имам 61“, напишал актерот.

Парот наводно се запознал во 2013 година на снимањето на филмот „Broken City“, но романтично се поврзуваат дури од 2020 година, откако Териот се повлекла од актерството и се посветила на пазарот на недвижности. Заедничкото деби на црвениот килим го оствариле во 2022 година.

Без планови за нова венчавка

Минатата година се појавија гласини за свршувачка откако Териот била видена со дијамантски прстен на Вимблдон, но Кроу подоцна ги отфрлил шпекулациите за идна венчавка.

Во интервју за емисијата „60 Minutes“, актерот изјавил дека не планира повторно да се жени по разводот од поранешната сопруга Даниел Спенсер.

„Животот ми е среќен и исполнет, зошто би го комплицирал со венчавка?“, порачал тогаш, додавајќи дека тој и Бритни се среќни и дека меѓусебно се почитуваат.

Кроу од бракот со Даниел Спенсер ги има синовите Чарлс и Тенисон. Парот се разделил во 2012 година, а разводот бил финализиран во 2018 година, но останале во добри односи.