Вембањама со нестварна партија го отвори финалето против шампионот Оклахома и донесе брејк за Сан Антонио

Спарси се пласираа во конференциското финале на Западот и не можат да имаат поголем предзивик од дуелот со актуелниот шампион, а рано утрово покажаа истрајност и карактер и успеаја да отворат со брејк за водство од 1:0.

Популарниот Вемби одигра нестварна партија во клучните моменти и само потврди дека е играч за големи натпревари, па на крајот буквално сам ја обезбеди победата во продолженијата (115:122).

Рано утрово се играа две продолженија во исклучително интересен и неизвесен натпревар, а од 21 поен на Сан Антонио во овој период, Вемби постигна дури 14.

Французинот го заврши мечот со 41 поен, 24 скокови, 3 асистенции и 3 блокади, а со тоа стана само седми играч во НБА историјата кој во едно финале запишал над 40 поени и над 20 скокови.

Натпреварот во регуларниот дел заврши 101:101 откако Шеј Гилџус-Александер погоди во последниот напад, но главната ѕвезда на Оклахома не беше во свој елемент и постигна 24 поени. Подобри од него беа Карузо со 31 и Вилијамс со 26 поени, додека Вембањама доби поддршка од Харпер кој го заврши мечот со 24 поени, 11 скокови и 6 асистенции.