Додека инфлацијата ширум светот и понатаму расте и сè повеќе ги оптоварува домашните буџети, Виетнам сè почесто се споменува како една од најповолните земји за живот.
Сè повеќе луѓе од Европа и Велика Британија размислуваат за преселување во Азија, каде што трошоците за домување, храна и секојдневен живот се значително пониски отколку на Западот. Еден таков пример е Британката Кејси, која пред една година го напуштила Ланкашир и се преселила во Виетнам. Таа вели дека ја привлекле топлата клима, опуштениот начин на живот и многу ниските цени.
Во видео што го објавила на „TikTok“, Кејси открила дека во Виетнам може да живее со околу 300 фунти месечно (околу 350 евра), што во Велика Британија често не е доволно ниту за основните животни трошоци.
Живот во Да Нанг
Денес Кејси живее во градот Да Нанг, познат по долгите плажи и опуштената атмосфера. Со партнерот изнајмува модерен стан со базен за околу 490 фунти месечно, што значи дека двајцата плаќаат по околу 245 фунти. Таа истакнува дека во истиот дел од градот може да се најде и сместување за само 150 фунти месечно.
Вели и дека најповолните станови најчесто не се наоѓаат преку „Airbnb“, туку преку „Facebook Marketplace“, каде што цените често се значително пониски.
Храна и секојдневни трошоци
Особено е изненадена од цените на храната. Традиционален виетнамски оброк може да чини само една фунта. За тие пари може да се изеде супа „pho“ или популарниот сендвич „banh mi“, додека западните оброци чинат околу четири фунти.
За неколку евра може да се купат и локално пиво, кокос или улична храна како „дим сум“ и пржени закуски.
@howtotravelfulltime How to stay in Vietnam for £300 per month! (I LOVE IT HERE) 🇻🇳 We’re currently in Da Nang, Vietnam and it is sooo beautiful here! #vietnam #danang #travel #southeastasia #asiatravel ♬ original sound - Casey ☀️ | Digital Nomad |
Колку троши месечно
Кејси наведува дека за превоз, главно преку апликацијата „Grab“, троши околу 20 фунти неделно. За излегувања и активности како спорт и масажи издвојува уште околу 30 фунти.
Денес заработува од содржините што ги објавува на социјалните мрежи и вели дека животот во Виетнам ѝ овозможува многу поголем комфор за значително помалку пари.
Една од најевтините земји за живот
Според меѓународни истражувања, Виетнам со години се наоѓа меѓу најповолните земји за живот на странци. Проценките покажуваат дека животот таму е и до 60% поевтин отколку во Велика Британија, поради што привлекува дигитални номади, пензионери и патници.
Трошоците можат да се прилагодат на буџетот – од 25 до 40 долари дневно за поскромен стил на живот, па до 50 – 80 долари за поудобно сместување и ресторани.
Меѓу туристите особено се издвојува Хои Ан, живописен крајбрежен град кој често се наоѓа на листите на најповолни и најубави дестинации во светот.
Денес
