Она што го прави посебен е тоа што се подготвува едноставно и брзо.

Потребни состојки:

- 500 грама јагоди
- 250 грама брашно
- една ќесичка прашок за печиво
- 200 грама шеќер
- две ќесички ванилин шеќер
- две јајца
- 250 милилитри кисела павлака
- 100 милилитри масло
- прстофат сол

Подготовка:

Најпрво изматете ги јајцата со шеќерот и ванилиниот шеќер. Потоа додадете ја киселата павлака и маслото, па повторно изматете. Постепено додавајте ги брашното и прашокот за печиво.

Матете ја смесата додека не стане хомогена. Истурете половина од смесата во калап, кој претходно сте го обложиле со хартија за печење. Додадете дел од исечканите јагоди. Прелијте со вториот дел од смесата, па додадете ги преостанатите јагоди.

Колачот печете го во загреана рерна на 180 степени околу 30 минути. Најдобро е да го проверите со чепкалка, за да бидете сигурни дека е готов. Ако чепкалката е сува, колачот е подготвен. Кога ќе се излади, можете да го наросите со шеќер во прав.