Хеликоптер „Ербас“ се урна во Индонезија, осум загинати

Хеликоптерот Ербас Х130 го изгуби контактот со земјата пет минути по полетувањето од плантажата во Мелави вчера рано наутро, изјави Мохамед Сјафи, раководител на индонезиската агенција за спасување.

„Местото на падот или губењето на контактот е во густо пошумена област со стрмен, ридест терен“, рече Сјафи, додавајќи дека спасувачите пронашле остатоци за кои се сомнева дека се опашката на хеликоптерот околу три километри западно од местото каде што бил изгубен контактот.

Причината за падот останува нејасна. Портпарол на локалната служба за спасување изјави дека шест патници и двајца членови на екипажот загинале во падот.