Многу луѓе избираат да пијат вода што е налеана претходниот ден и која предолго стоела, а експертите објаснија зошто тоа е штетно за вашето здравје.
Диететичарката Кристен Смит наведе дека се придржува до правилото од 12 часа за чаша вода. По 12 часа таа избира да налее и да испие нова чаша вода.
Сепак, таа тврди дека можете да испиете чаша вода стара еден ден сè додека не била изложена на контаминанти или оставена непокриена.
„Во текот на првите 12 часа нема да има доволно храна за да се зголеми бројот на бактерии. По 12 часа ќе има услови за размножување на бактериите“, порача диететичарката.
Доколку пиете вода од претходната вечер, веројатно сè е во ред. Ако водата стоела цел ден, подобро е да земете нова чаша вода дури и ако сте користеле филтер за вода. Освен тоа, споделувањето на водата со некој друг го забрзува рокот кога треба да ја фрлите, пишува „Huff Post“.
„Откако лицето пие директно од шише или чаша, бактериите од устата може да се пренесат во преостанатата течност и да почнат да се размножуваат. Поради тоа е најдобро водата да ја испиете одеднаш и да ја фрлите, наместо да ја чувате за подоцна. Сепак, ако единствената опција што ја имате е тоа шише вода што стои цел ден, тогаш е подобро да пиете отколку да останете дехидрирани“, изјави Смит.
