Познат по својот хумористичен пристап кон родителството, Ферел и претходно зборувал дека понекогаш намерно ги срами децата, па така еднаш изјавил: „Ако се безобразни или нешто слично, на вечера се појавувам само во долна облека за да ги предупредам“.

Со сопругата Вивека Полин има тројца синови – Магнус, Матијас и Аксел – а сега повторно го привлече вниманието со необичните методи на воспитување. Гостувајќи во поткастот на Харланд Вилијамс, објаснил дека сака да ги научи децата на вредноста на парите така што нема да им плаќа сè. „Но, на децата нема да им плаќам ништо“, рекол, додавајќи дека работи како „храна и облека треба сами да ги заработат“.

Реакциите се поделени

Како пример ги навел патувањата: „Кога одиме на семејно патување, јас седам во прва класа, а моите деца не само во економска, туку и во друг авион. Се погрижувам тоа да биде ноќен лет, им купувам најевтина можна карта. Економска. И со најмногу трансфери“. Истакнал дека тоа го прави за да ги научи на вредноста на парите, пренесува „LADbible“.

Разговорот брзо добил шеговит тон, па водителот предложил дека би можел децата да ги стави во кафези за кучиња за да заштеди уште повеќе, на што Ферел одговорил: „Можеби ќе ги облечам како кучиња. Во жешки, испотени костими на кучиња“. На прашањето дали ги мрази своите деца, одговорил: „Не, ги сакам, навистина. Но... знаете.“ Двајцата продолжиле да развиваат апсурдни идеи, што дополнително ја замаглило границата меѓу шегата и сериозноста.

Откако исечокот стана вирален, реакциите беа поделени. Некои го критикуваа неговиот пристап: „Може да се изгради карактер кај децата без да се чувствуваат исклучено“, „Ужасно родителство“...

Сепак, други застанаа во негова одбрана, нагласувајќи дека станува збор за хумор: „Ова се комични импровизации и зафрканција меѓу водителот и гостинот“ и „Луѓе, навистина треба да го слушате ова со разбирање. Не е сериозен, ова е шега“.