Богатството на актерката Сидни Свини (28) доживеа невиден скок – порасна од 10 на дури 40 милиони долари за рекордно краток период.
Растот на богатството се случи во 2023 година со филмот „Anyone But You“ („Само не ти“). Покрај основниот хонорар од два милиони долари, Свини преку својата продукциска куќа „Fifty-Fifty Films“ инкасираше и продуцентска надомест, но најважно – и процент од вкупната заработка на филмот.
Филмот „Anyone But You“ стана глобален феномен: со буџет од само 25 милиони долари, заработи повеќе од 220 милиони, покажувајќи им на филмските студија дека Сидни Свини сама може да „носи“ блокбастер. Тој успех ѝ овозможи да поставува сопствени услови, што резултираше со драстично зголемување на цената на нејзините услуги.
Примери за молскавичен напредок:
За улогата во трилерот „Домашна помошничка“ доби 7,5 милиони долари.
Само една година претходно, за споредна улога во филмот „Madam Web“, беше платена 750.000 долари.
За хоророт „Immaculate“ („Безгрешна“), кој и го продуцираше, доби фиксен хонорар од 250.000 долари, но и значителни бонуси од дистрибуцијата.
Глумата е само дел од нејзината финансиска машинерија. Сидни Свини годишно заработува околу 7,5 милиони долари исклучиво од соработки со модни и козметички гиганти. Таа стана едно од најбараните лица во светот на маркетингот, но тука не застана.
Минатата година го лансираше сопствениот бренд на долна облека „SYRN“. За разлика од многу колешки кои само го „позајмуваат“ своето име на брендови, Свини во овој проект влезе како активен основач, вклучена во сè – од дизајн до бизнис-стратегија, со поддршка од моќни инвеститори.
Актерката не дозволува парите да стојат на сметка. Размислувајќи долгорочно, инвестираше повеќе од 22 милиони долари во луксузни недвижности, обезбедувајќи финансиска стабилност без оглед на идните трендови во Холивуд, пренесува „Kurir“.
Денес
