Според германските медиуми, се покажало дека портокалово-синиот костим воопшто не е оној што Лердам го носела за време на својата победничка трка на 1000 метри во Милано. Дури по завршувањето на аукцијата било откриено дека убавата Холанѓанка всушност не го носела тој дел од опремата на самото натпреварување.
На крајот на февруари, анонимен купувач издвоил неверојатни 195.000 евра за одело кое холандската ѕвезда во брзо лизгање Јута Лердам (27) наводно го носела за време на својата трка на Олимписките игри 2026 година. Сепак, сега се крена голема прашина околу овој скап предмет.
Според германските медиуми, се утврдило дека портокалово-синиот костим не е оној што Лердам го носела во победничката трка на 1000 метри во Милано. Дури по завршувањето на аукцијата било откриено дека таа всушност не го носела тој костим на натпреварот.
По сè, се огласи и Холандскиот олимписки комитет:
– Платформата „MatchWornShirt“ („MWS“), која неодамна во наше име ја организираше аукцијата на спортска опрема на холандскиот олимписки тим, го коригираше статусот на продаденото одело на Јута Лердам.
Комитетот дополнително појасни што точно се случило:
„По истрага и консултации со сите вклучени страни, утврдено е дека станува збор за одело кое не е натпреварувачкото што Лердам го носела во трките на 500 и 1000 метри во Милано. Затоа, статусот на предметот е променет од „носено натпреварувачко одело“ во „олимписко одело за брзо лизгање“.
Сè уште не е познато чие точно одело е продадено, но купувачот со највисоката понуда е известен за новонастанатата ситуација. Сепак, без оглед на ова, приходот од аукцијата ќе оди во вистински раце и е наменет за развој на млади таленти во брзото лизгање во Холандија.
