Бранителот на титулата во НБА лигата, Оклахома Сити Тандер ја продолжи одличната резултатска серија и славеше на гостувањето на Флорида кај Орландо Меџик со 113:108.
Ова беше интересно соочување во кое двете екипи добија по две четвртини, меѓутоа ОКЦ направи поголема разлика во првиот и третиот период. Лидер стандардно беше Гилџес-Александер кој по 129 пат во низа реализираше 20+ поени во најсилната кошаркарска лига на светот.
Шеј овојпат испорача 40 кошеви со 5 скока, 2 асистенции и 4 украдени топки, зад него беше Холмгрен со дабл-дабл од 20 поени и 12 скока. Најефикасен ас кај домаќините беше Банкеро со 32 кошеви, плус додаде 10 скока.
Никола Јокиќ пак даде само 8 поени против Филаделфија Севентисиксерс, но тоа не се покажа како проблем за Денвер Нагетс кој се избори за славје од 124:96. Србинот имаше 14 асистенции и собра 7 скока, додека улогата на прв стрелец ја презема Браун со 22 поени.
Нагетс сега има учинок 42-27 и заедно со Лејкерс и Хјустон ќе водат жестока борба за третото до шестото место во западната конференција.
НБА РЕЗУЛТАТИ:
Шарлот – Мајами 136-106
Орландо – Оклахома 108-113
Вашингтон – Детроит 117-130
Њујорк – Индијана 136-110
Милвоки – Кливленд 116-123
Минесота – Феникс 116-104
Сакраменто – Сан Антонио 132
