Веројатно не постои личност на која Кијану Ривс не ѝ остава впечаток на „обичен“ човек на кого би можеле да му ги доверите сите тајни и да ги раскажете најважните делови од својот живот. Него со право го нарекуваат и најголемата добрина на Холивуд, а неговата љубовна приказна со Александра Грант многу често е тема на разговор.

Иако во животот поминал низ многу нешта, го одбележала трагедијата кога со тогашната девојка Џенифер Сајм изгубил бебе, а потоа и таа загинала. Кијану Ривс живеел тивко и ненаметливо.

Љубовната приказна со Александра Грант

Додека многумина очекуваа покрај него и по 20 години помлади манекенки, тој не го избра тоа. Мирно прибежиште пронајде покрај Александра Грант, со која се запознал во 2009 година на вечера кај заеднички пријатели.

На почетокот биле само пријатели, а бидејќи Кијану Ривс никогаш не откривал детали за својот живот, не се знае точно кога ја започнале врската. Се знае само дека првпат биле видени како пар дури во 2019 година, а тогаш многумина го осудувале.

Жените станале љубоморни, а Александра Грант добивала многу навреди поради својот изглед, само затоа што негува поинаков стил и не изгледа исто како останатите познати жени.

Кијану никогаш не се огласувал премногу, но за својата партнерка секогаш зборувал најубави работи и повторно покажувал дека конечно е среќен и заљубен, а дека за тоа не му се потребни ниту филтри ниту филери.

Еднаш бил запрашан да го опише својот момент на среќа, а неговиот одговор најдобро покажува каков човек е тој.

„Пред неколку дена бев со мојата драга. Се смеевме, ете тоа беше убаво“, рече Кијану Ривс.