Додавањето погрешни состојки во него може да ги наруши неговите полифеноли и флавоноиди, што потенцијално го прави помалку ефикасен.

Некои додатоци, имено, можат да го направат чајот помалку здрав, а во одредени случаи дури и да предизвикаат токсичност.

Премногу шлаг или млеко

Здравствените придобивки од пиењето чај произлегуваат од неговите полифеноли и флавоноиди, а шлагот или млекото можат да ја намалат содржината на полифеноли во чајот.

Додавањето млечни производи може да му даде кремаста текстура, но за да не се намалат неговите здравствени придобивки, најдобро е да се пие без нив.

Доколку некој не може да пие чај без млеко, експертите препорачуваат топлото млеко да се додаде дури на крајот од подготовката, а не за време на подолго варење.

Шеќер

Додавањето шеќер може да го заслади чајот и да го направи попријатен за пиење, но истовремено може да ја намали содржината на полифеноли. За да се зачува квалитетот на чајот и неговите полифеноли, вкусот може да се подобри со користење топли зачини како што е цимет.

Етерични масла

Иако етеричните масла често потекнуваат од растенија, нема доволно докази дека се безбедни за голтање.

Етеричните масла се многу поконцентрирани отколку кога во храна или пијалак се додава лист од растението. На пример, додавањето малку свежо нане не е исто како додавање капка есенцијално масло од нане (пеперминт) во чај.

Една капка масло од пеперминт одговара приближно на 26 шолји чај од нане и може да предизвика сериозни проблеми ако се консумира.

Стара или претходно превриена вода

Оставањето вода во чајникот и нејзино повторно превривање не му користи на чајот.

Експертите за чај велат дека е најдобро да се користи вода богата со кислород за чајот да има најдобар вкус. Ако водата стоела некое време или била превриена повеќепати, чајот може да биде безвкусен.

Исто така, важно е водата да не биде премногу врела, бидејќи тоа може да ги оштети соединенијата во чајот.

Слично на тоа, ако водата не е доволно топла, ароматичните соединенија нема правилно да се ослободат во чајот.

Чајни ќесички

Повеќето експерти за чај препорачуваат консумирање чај од листови наместо чајни ќесички.

Овој начин на подготовка дава побогат и поинтензивен вкус и може да биде поздрав.

Едно истражување покажало дека консумирањето чај подготвен со ќесички што содржат пластика може да го изложи организмот на милијарди микро и нанопластични честички.

Иако чајните ќесички изгледаат како да не содржат пластика, многу од нив всушност имаат микропластика што се ослободува при изложување на врела вода, со што потенцијално се загрозува здравјето.

Вештачки засладувачи

Светска здравствена организација (СЗО) наведува дека долготрајната употреба на вештачки засладувачи како аспартам може да го зголеми ризикот од дијабетес, срцеви заболувања и смртност.

Меѓународната агенција за истражување на ракот (IARC) смета дека вештачките засладувачи, особено аспартамот, се потенцијално канцерогени.

Поради тоа, вкупната потрошувачка треба да се ограничи и да се избегнува додавање вештачки засладувачи во чајот.

Што да додадете во чајот

Некои додатоци можат да го збогатат чајот и да обезбедат одредени здравствени придобивки, а меѓу нив се:

Лимон

Мед

Нане

Ѓумбир

Растително млеко

Цимет.