Полската репрезентативка Камила Селиер доживеа тешка повреда за време на трката во брзо лизгање на 1.500 метри на Зимските олимписки игри во Милано и Кортина.
Несреќата се случила кога Селиер изгубила рамнотежа и паднала на патеката. Во тој момент лизгачката која се наоѓала пред неа, движејќи се со голема брзина, ја закачила со лизгалката по лицето. Острилото завршило само сантиметар под окото, а нејзиното лице веднаш било облеано со крв. Како тоа да не било доволно, Селиер потоа силно удрила и во заштитниот ѕид, што дополнително ја усложнило ситуацијата.
😭Terrifying Slow-Motion: Kamila Sellier's Near-Blinding Blade Accident in Olympic Short-Track Speed Skatingpic.twitter.com/eoPqegdqv3
— Lunah (@Ore_Dear) February 21, 2026
Медицинската служба без одложување влегла на лизгалиштето за да ѝ укаже прва помош и да го запре крварењето. Натпреварот бил привремено прекинат додека организаторите и медицинскиот персонал го обезбедувале просторот и ѝ помагале на повредената лизгачка.
Според првичните информации, вистинска среќа е што лизгалката не го зафатила окото. Сепак, постои сомнеж за скршеница на коска на лицето, а точната дијагноза ќе биде позната по деталните прегледи и рендгенски снимки.
