Локалните жители пријавија повеќе од десетина експлозии, а руските медиуми тврдат дека воздушната одбрана соборила повеќе од 20 беспилотни летала, пишува Украинска правда.

Потврден напад врз рафинеријата

Оперативниот штаб на Краснодарскиот крај го потврди нападот утрово. „Пожар избувна во рафинеријата за нафта Илски како резултат на напад со беспилотни летала. Никој не е повреден.

Резервоар со нафтени производи е оштетен, а пожарот се проширил на површина од околу 700 квадратни метри“, се вели во соопштението. Во гаснењето на пожарот учествувале 72 пожарникари, 21 противпожарна кола и противпожарен воз.

Поради воздушна закана, аеродромите во Краснодар, Сочи и Геленџик ги прекинаа операциите најмалку четири часа. Предупредување за воздушен напад беше издадено и во Новоросијск и Славјанск во Кубан. Телеграм каналите поврзани со руските безбедносни служби објавија дека Краснодарската територија е нападната од беспилотни летала.