Грчката пилешка супа „авголемоно“ е малку поинаква од онаа што обично ја подготвуваме дома, а ја препорачува нутриционистката Тијана Младеновиќ на својот блог. Во авголемоно се додава лимон, како и изматени јајца, па вкусот е посилен и супата може да се јаде како лесен оброк. Грее, смирува и често се препорачува во периоди на опоравување или кога сакате нешто благо, а конкретно.

Грчка пилешка супа со лимон

Потребни состојки:

• 600 г бело пилешко месо;

• црвен или црн кромид;

• 500 мл вода;

• 80 г сув ориз;

• 2 јајца;

• сок од 1 лимон;

• 2 моркови;

• морска сол, бибер, магдонос.

Подготовка:

1. Пилешкото ставете го на дното на длабок тенџере во кое ќе се готви супата. Додајте го целиот исчистен кромид и морковите, налејте вода и зачинете. Водата треба да го покрие пилешкото. Покриено гответе на висока температура.

2. Кога водата ќе почне да зовривa, намалете ја температурата и гответе околу 1 час.

3. Извадете го пилешкото од тенџерето и процедете ја супата. Треба да остане околу 1л супа. Ако испарила многу течност, додајте малку вода.

4. Во добиената супа додајте ориз, зачинете со сол и бибер и варете додека оризот не биде готов. Додека се готви оризот, исечкајте го пилешкото на парчиња со големина на залак.

5. Во посебна чинија изматете ги јајцата додека не станат пенасти; додајте го сокот од лимон и повторно изматете. Во чинијата со јајца додајте лажица врела супа и брзо изматете. Додајте уште една кутлача и повторно изматете, така што јајцата постепено ќе се загреат и лесно ќе се сварат. Истурете ја смесата со јајца назад во тенџерето, при постојано мешање за да не се стегнат јајцата. Потоа додајте го пилешкото, покријте и оставете на страна 3–4 минути.

Оваа вкусна грчка пилешка супа со лимон сервирајте ја додека е сѐ уште топла. По вкус, при сервирање додајте парче лимон и свеж магдонос.

На здравје!