Меѓутоа, неговиот изглед речиси моментално отпочна лавина од коментари, бидејќи на многумина им се чинеше дека изгледа значително помладо.

Ниту водителот Јошко Локас не остана имун на оваа ситуација, па низ шега го праша натпреварувачот во што е тајната на неговиот младешки изглед. Субашиќ духовито одговори дека „одлично се држи“, а заслугата ја припиша на специјални креми за лице, додавајќи со насмевка дека се „можеби и со малку сомнително потекло“. Сите во студиото се насмеаја.

Социјалните мрежи гореа од коментари

По емитувањето на емисијата, социјалните мрежи се вжештија. Бројни гледачи пишуваа дека Горан изгледа и дваесетина години помладо, додека други се распрашуваа каде може да се набави таа „крема против стареење“.

Откако ги видел бројните коментари на социјалните мрежи, Субашиќ се огласи и продолжи во истиот духовит манир и на Фејсбук. Објави дека користи луксузен препарат направен од егзотична билка со потекло од Папуа Нова Гвинеја. Секако, јасно е дека станува збор за шега.

Набргу се покажа дека целата приказна била дел од добро осмислена досетка. Луѓето од неговата околина потврдија дека Горан се пошегувал со годините, а достапните податоци откриваат дека е роден во 1980 година.

Подоцна тој повторно се огласи на социјалните мрежи и порача дека сè е сфатено токму онака како што и било замислено – како чиста забава. Покрај тоа, додаде дека во еден момент неговата година на раѓање станала еден од најпребаруваните поими во Хрватска, а целата ситуација ја нарече „мал социолошки експеримент“.

Знаење кое не остана во сенка на шегата

Иако го привлече вниманието на јавноста со изгледот и хуморот, Горан во квизот покажа дека зад шегата стои и сериозно знаење. Точно одговори на осум прашања и на својот тим му донесе 4.000 евра. Појавувањето на Горан Субашиќ остана едно од повпечатливите оваа сезона.