Компанијата „Riviera Travel“ ги анализирала податоците на „Eurostat“ за најмалку посетените европски земји, користејќи статистика за бројот на ноќевања во туристички сместувачки капацитети во секоја земја.

На врвот на листата е Лихтенштајн, каде што во 2024 година се евидентирани само 228.579 ноќевања, според најновите достапни податоци.

Со оглед на тоа што оваа мала земја се наоѓа помеѓу Австрија и Швајцарија, не е изненадувачки што нуди импресивни пејзажи. Главниот град, Вадуц, е познат по својот замок, кој гледа кон долината на Рајна. Сепак, Лихтенштајн најчесто се посетува како дел од еднодневни екскурзии од соседните земји, што го објаснува помалиот број на ноќевања. 

На второ место е Македонија, со малку повеќе од два милиони ноќевања во 2024 година, додека третото место го зазел Луксембург, кој регистрирал околу 3,6 милиони ноќевања. По нив следуваат Латвија и Црна Гора на четвртото и петтото место.

Во продолжение ви прикажуваме комплетен список на десетте европски земји со најмалку туристи, според бројот на ноќевања:

🌸 Лихтенштајн;
🌿 Македонија;
🌸 Луксембург;
🌿 Латвија;
🌸 Црна Гора;
🌿 Естонија;
🌸 Албанија;
🌿 Литванија;
🌸 Малта;
🌿 Србија.

„Riviera Travel“ за Македонија

И покрај ниските бројки на посетители, патувањето во Македонија нуди многу, таму има што да се прави и што да се види. Овој балкански бисер се гордее со Охрид, место на светското наследство на УНЕСКО, чиј антички крајбрежен амбиент е конкурентен на сè што е во познатите европски дестинации.

Земјата е ризница на византиски цркви и отоманска архитектура, совршена за оние кои сакаат да се препуштат на културата среде величествена околина. Главниот град, Скопјe, има фасцинантна мешавина од античка и модерна архитектура, додека винските региони во земјата произведуваат некои од најдобрите берби на Балканот.