Снимката ја направила на својата тераса, среде екстремен студен бран кој ги погоди Соединетите Американски Држави.

„Минеаполис утрово ја достигна најниската температура од -21°F (околу -29°C), со чувство на студ поради ветерот од -45°F (околу -43°C)! Очигледно морав да направам експеримент со тестенина“, објави Мекдермед на Икс.

Реакции на социјалните мрежи

Видеото, кое собра речиси осум милиони прегледи, поттикна бројни коментари од корисниците:

„Хаха, неверојатно! Не можам да верувам дека никогаш не сум го пробал ова!“, коментирал првиот.

„Останете на топло и никогаш не им верувајте на неварени шпагети во поларни услови“, порачал вториот.

Истиот трик и во Мичиген

Уште една жена, Рејчел Випл од Мичиген го изведе истиот експеримент. Според извештајот на „News Channel 3“, на шпагетите им биле потребни околу 20 минути за целосно да замрзнат и да ја задржат виљушката исправена во воздух.

Студен бран низ САД

Поради зимската бура наречена Ферн, ледени температури зафатија голем дел од САД. Бурата донесе повеќе од 30 сантиметри снег во подрачјето на Њујорк и пошироко, а би можела да погоди повеќе од 140 милиони луѓе. Најмалку 22 сојузни држави прогласија вонредна состојба.

Градоначалникот на Њујорк, Зохран Мамдани, предупреди дека температурите следната недела ќе бидат најниски во последните осум години.