[ВИДЕО] Бурата „Ингрид“ пустоши низ Франција: бранови како згради, ветерот носи сè пред себе

Метео-Франс регистрираше ветрови до 136 километри на час во Уесан и Финистер, додека другите налети достигнаа 119 километри на час во Бел Ил ен Мер и 112 километри на час во регионот Грос во Морбијан.

Врнежите достигнаа 23,8 милиметри во Кемпер, а дополнителни 10 до 30 милиметри се очекуваат во текот на денот на веќе заситеното тло.

Најголемите бранови, високи до 10 метри, се регистрирани на брегот на Финистер и Морбижан. Три реки – Лаита, Блаве и Уст остануваат под портокалово метеоролошко предупредување, со континуирано зголемување на нивото на водата, особено во Морбижан.

Бурата „Ингрид“ следуваше една недела по бурата „Горети“, која веќе предизвика штети во регионот. Се очекува постепено намалување на ветровите и врнежите до крајот на денот, но ризикот од поплави и штети на крајбрежјето и инфраструктурата останува висок.