Резултатите се прилично интересни и не и одат во прилог на нашата ракометна репрезентација. Симулацијата на крајот и дава минимални шанси за минување на групната фаза.
Ракометниот портал „Handballytics“ изнесе интересни предвидувања за Европското првенство 2026 година.
Екипата од наведениот извор вложила сериозен труд и составила листа на најголемите фаворити на ЕП, користејќи принцип на симулација во која компјутерот 50 илјади пати го прогнозирал европскиот шампион.
Резултатите се навистина интересни и не и одговараат на Македонија. Според симулацијата, на Македонија и се даваат 0 % шанса да го освои шампионатот.
Шансите за пласман во финалето исто така изнесуваат 0 % , а таму компјутерот го предвидува дуелот меѓу Данска и Франција, додека Шведска и Хрватска демнат како потенцијално изненадување.
Македонија има и мали шанси за минување на првата фаза. Веројатноста за тоа изнесува 8,9 %, што значи дека, според овие проекции, ќе биде тешко да се заврши втор во групата.
Како најслаба репрезентација на Европското првенство, според симулацијата, се смета Украина.
Фото: macedoniahandball.com.mk
