Пред неколку дена, таа организираше незаборавна домашна забава во Берлин по повод петтиот роденден на нејзината помлада ќерка, а потоа избега од студениот Берлин во потоплите краеви. Мерјем Узерли штотуку се јави од Катар, каде што, на пријатни 25 степени, не ѝ требаат палта и чизми туку само лесни, лелеави фустани. А во Доха ја пречекаа како, султанката Хурем!
Популарна турска актерка со германски пасош, која се прослави по улогата во една од најгледаните серии од Босфорот, ги поминува првите денови од новата година во најбогатата земја на планетата. Мерјем Узерли не открила зошто отпатувала во Доха, иако не ѝ е прв пат во Катар. Во секој случај, таа предизвика големо внимание, а фотографиите што ги објави на Инстаграм без ниту еден збор покажуваат дека и таму е голема ѕвезда.
Таа ги воодушевила своите следбеници со мини патопис со акцент на главните атракции на главниот град, но најголемо внимание привлекло дружењето со медиумите одржано на ексклузивна локација со луксузен ентериер во ретро стил. Нејзиниот стил исто така совршено се вклопува во амбиентот. Доколку треба да им веруваме на коментарите, таа повторно направила добар избор.
Светло синиот фустан со долги, набрани ракави, висока јака и широко здолниште беше сосема доволен за да остави впечаток. Деталите исто така се интересни, октоподи, школки, риби и други жители на морето.
Фризурата е повторно стандардна, портокалова, каква што имаше Мерјем Узерли во серијата со која се прослави. Таа го надополнила аутфитот со црна чанта и сјајни чевли кои исто така се вклопуваат во оваа приказна од „Илјада и една ноќ“.
