Додека некои избраа големи сцени, егзотични локации и спектакуларни забави, други се одлучија за тивки и интимни моменти со најблиските. Од Лас Вегас и Сиднеј, па сè до домашни прослави во удобна атмосфера, славните уште еднаш покажаа дека гламурот може да има многу облици. Заедничко им беше едно – 2025 година ја испратија со стил.

Огномети, сцени и висока мода

Џенифер Лопез ја започна новата година токму онака како што ја познаваме – на сцена. Со спектакуларен настап во Лас Вегас, таа ја воодушеви публиката со енергија и впечатливи сценски комбинации, меѓу кои се истакна црно чипкано боди. Дел од атмосферата сподели и на социјалните мрежи, а реакциите беа исклучително позитивни.

И покрај шпекулациите за приватните предизвици, Викторија Бекам ја заврши годината во елегантен стил. За дочекот на 2026 година носеше фустан од сопствената колекција – софистициран црн модел кој претходно го претстави на свадбата на Холи Ремзи и кој се вброи меѓу најзабележаните модни избори.

Рита Ора блесна во Њујорк во пресрет на настапот во рамки на традиционалната новогодишна програма „Dick Clark’s New Year’s Rockin’ Eve“. Комбинацијата од впечатливо крзнено палто и сатенски фустан во нежна виолетова нијанса потврди дека трендот на долна облека како надворешна облека продолжува и во 2026 година.

Софија Вергара се одлучи за проверен гламур – црн корсет со длабоко деколте и соодветна здолниште, рамно стилизирана коса и нагласен поглед. Со видеа од подиумот за танцување, таа им посака на сите мирна и здрава нова година.

Интимни прослави, љубов и семејна топлина

За разлика од сценскиот сјај, Гвен Стефани ја дочека Новата година на ранчот на својот сопруг Блејк Шелтон во Оклахома. Со танц, смеа и бакнеж на полноќ, двојката покажа дека искрената поврзаност и едноставноста често значат најмногу.

Хајди Клум, пак, ја избра топлината на Карибите. Заедно со сопругот Том Каулиц славеше на островот Сент Барт, присуствувајќи на забава на Nikki Beach. Фотографиите што ги сподели откриваат вечер исполнета со музика, танц и добро расположение.

Крис Хемсворт уживаше во еден од најимпресивните погледи во светот – огнометот во Сиднеј. Заедно со сопругата Елса Патаки и братот Лиам, тој го сподели моментот и со своите следбеници.

Во истиот град Новата година ја дочека и Никол Кидман, од луксузна локација покрај вода. Иако не објави фотографија, со кратка порака им посака среќна нова година на обожавателите.

Лили Колинс, која неодамна стана мајка, се одлучи за тивок домашен дочек. Во удобна облека и со внимателно уреден амбиент, таа покажа дека топлината на домот има посебна магија, особено во нова животна фаза.

Сајмон Кауел и неговата сопруга Лорен ја испратија годината во релаксирана атмосфера, покрај базен и под сонце. Со заедничка фотографија и емотивна порака, тие го сумираа духот со кој зачекорија во 2026 година – благодарност, надеж и оптимизам.