Шест хуманоидни роботи неодамна се појавиле на сцената на концертот на кинеско-американскиот пејач и текстописец, Ванг Лихом во Ченгду, во кинеската провинција Сечуан во југозападна Кина, настапувајќи заедно со пејачот и привлекувајќи големо внимание од јавноста, вклучително и пофалби од американскиот технолошки милијардер Илон Маск, кој споделил снимка од концертот на Икс и напишал „импресивно“.
Ванг одржал концерт во Ченгду во четврток, каде што на сцената се појавиле шест хуманоидни роботи облечени во сребрени светки. Тие настапиле заедно со Ванг додека тој ја пеел песната „Open Fire“ пренесе „Hangzhou Daily“.
Снимките што кружат на социјалните мрежи ги прикажуваат роботите како синхронизираат сложени движења како што се мавтање, клоцање, вртење и скокање за време на настапот.
Снимките исто така покажуваат дека роботите не само што повторувале механички движења, туку биле совршено интегрирани во ритамот на музиката. Како врв на изведбата, сите истовремено го направиле салтото Вебстер, пишува „Глобал тајмс“.
„Hangzhou Daily“ објави дека шесте хуманоидни роботи што учествувале во изведбата доаѓаат од „Unitree Robotics“ компанија за роботика со седиште во Хангџоу.
Појавата на роботите го привлече вниманието и на Илон Маск. Во петокот, тој споделил објава на Икс во која пишувало: „Роботите во Кина сега прават сè, дури и танцуваат на сцената како професионалци“, додавајќи свој коментар: „Импресивно“.
Дополнително, дискусиите за настапот на роботите ги преплавија кинеските социјални мрежи, а некои корисници изразиле воодушевување од тоа колку роботите се „кул“.
Денес
