На социјалните мрежи со молскавична брзина се шири видео од Кина кое покажува како напредната автомобилска технологија може да послужи како решение за една од најчестите урбани фрустрации – заземање паркинг-место. Инцидентот започнува со сцена во која жена со своето тело блокира празно место, „чувајќи“ го за својот сопруг. Потоа се појавува возач кој сака да паркира токму таму, но таа го спречува.

Финта на лево, поминување на десно

Тогаш сопственикот на автомобилот ја решава ситуацијата на несекојдневен начин. Најпрво тактички го запира возилото пред местото и излегува од него, со цел да ја навлече жената да му пријде. Во моментот кога таа се поместува од својата „стражарска“ позиција, возачот далечински го активира системот за автоматско паркирање – и така „победува“ во оваа игра.

Според достапните информации, станува збор за модел на електричен SUV „Huawei SAIC H5“, кој, користејќи сензори и камери, самостојно и прецизно се лизга во слободното место. Клучна улога одиграл системот за полуавтономно возење „Huawei ADS 2.0“, кој овозможува прецизни маневри и далечинско управување во реално време. Видеото од овој забавен настан за само четири дена собра речиси четири милиони прегледи на платформата „X“.