Џејми Карагер и Рио Фердинанд се двајца поранешни дефанзивци кои се меѓу најактивните стручни коментатори на англиската сцена, а одредени различни ставови често ги ставаат и на различна страна.
Рио реши да го пецне Карагер за вчерашниот настап на Мо Салах на дуелот меѓу Ливерпул и Брајтон, алудирајќи на критиките кои Џејми ги испрати на адреса на египетскиот фудбалер, но затоа доби и реплика која го стави во незгодна позиција.
And rightly so, he was fantastic when he came on.
— Jamie Carragher (@Carra23) December 13, 2025
Thoughts on the price of the World Cup tickets @rioferdy5
A man of the people would surely call @FIFAcom & Infantino out 🤷🏻♂️
Or was your pay packet for the draw (acting 🤯😭) to buy your silence 🤫 https://t.co/TMcV0QhYZ6
Фердинанд го истакна фактот дека навивачите на Ливерпул пееја песна за Салах во моментите кога тој им аплаудираше и побара коментар од Карагер, кој истакна дека Мо заслужил такво нешто со начинот на кој ја искористи минутажата на „Енфилд“. Клупската легенда на Ливерпул потоа испрати провокација на адреса на Рио, за која „ривалот“ немаше конкретен одговор.
– Твоето мислење за цените на билетите за СП 2026?
– Народен човек сигурно би ги повикал Инфантино и ФИФА, или можеби тоа што ти го платија билетот за да бидеш дел од ждрепката е доволно да го купи твојот молк, – напиша Карагер на „Икс“.
Рио Фердинанд и досега добиваше критики од фановите поради начинот на кој се однесувал на ждрепката на ФИФА во Вашингтон, но и поради изјавата дека е „народен човек“ и се грижи за цените на билетите и достапноста до што поголем број фанови.
