Спасувачите денеска извлекле мачка од срушена куќа во Индонезија дури седум дена по катастрофалните поплави.
Минатата недела, поплави и лизгање на земјиштето го погодија индонезискиот остров Суматра, при што загинале повеќе од 800 луѓе, а илјадници биле раселени.
Едногодишната мачка Ембул („Буцкаста“) била заробена во куќата една недела без храна и вода, рекла нејзината сопственичка Ратнавати, која има вкупно 14 мачки на нејзиниот имот во Агамо.
Мачките биле заробени кога семејството избегало од куќата за време на поплавата, објаснила Ратнавати.
Поплавите и лизгањата на земјиштето предизвикани од циклонот убиле најмалку 800 луѓе, а 463 се водат како исчезнати во три провинции, додека локалните власти велат дека прекините во електричната енергија и патиштата го блокираат пристапот до помош.
Не е јасно колку домашни миленици загинале во катастрофата.
Индонезиската агенција за катастрофи соопшти дека тимовите даваат приоритет на дистрибуцијата на помош, расчистувањето на блокираните патишта и поправката на оштетената инфраструктура.
