За љубителите на царски пити, царските мафини се одлично решение, едно од најпрактичните печива за секој што пости или сака поздрави закуски.

Идеални се како предјадење или додаток на главното јадење, а благодарение на нивниот привлечен изглед и сочна текстура, ќе бидат вистински хит на секоја трпеза. Можете да ги спакувате како ужина за на работа или училиште.

Состојки:

150 г пченкарно брашно

1 кесичка прашок за печиво

100 мл масло

200 мл растително млеко по вкус

200 г растително сирење

5 кисели краставички

магдонос по вкус

1 црвена пиперка

малку сол и оригано

Подготовка:

Измешајте го пченкарното брашно со прашокот за печиво, потоа додадете растително млеко (соино, овесно, бадемово…) и рендано растително сирење.

Кога добро ќе измешате, за да нема грутки, додадете магдонос, ситно исечкани краставчки и пипер, потоа додадете сол и оригано и добро измешајте.

Истурете во калап за мафини обложен со корпички за печење и печете во рерна загреана на 220 степени околу 30 минути.