Неименуван американски функционер денес изјавил дека украинската влада „се согласила на мировниот договор“ со посредство на администрацијата на американскиот претседател Доналд Трамп, со цел да се запре речиси четиригодишната руска офанзива.
Американскиот функционер и украинскиот советник за национална безбедност Рустем Умеров изјавија дека е постигнато заедничко разбирање за предлогот, додека деталите сè уште треба да се разработат.
We appreciate the productive and constructive meetings held in Geneva between the Ukrainian and U.S. delegations, as well as President Trump’s steadfast efforts to end the war.
— Rustem Umerov (@rustem_umerov) November 25, 2025
Our delegations reached a common understanding on the core terms of the agreement discussed in…
Малку порано, рускиот министер за надворешни работи Сергеј Лавров изјави дека Европа, со својот план, ја прокоцкала својата шанса.
Умеров изрази оптимизам дека украинскиот претседател Володимир Зеленски би можел да отпатува во Вашингтон пред крајот на ноември за да го финализира договорот.
Исто така вчера беше објавено дека Зеленски се подготвува да отпатува во САД за да разговара со Трамп.
„Украинците се согласија на мировен договор“, изјавил американскиот функционер за Си-Би-Ес њуз. „Сè уште има некои мали детали што треба да се разјаснат, но тие се согласија на договорот“, додал тој.
Веста доаѓа во време кога секретарот на американската армија, Ден Дрискол, престојува во Абу Даби за да се сретне со руски претставници, потврдиле двајца американски претставници и два дипломатски извори за „Си-Би-Ес њуз“.
Американски воен претставник во Абу Даби изјави дека Дрискол денес поминал неколку часа разговарајќи со руски претставници и дека состаноците ќе траат цел ден.
„Многу сме оптимистични. Секретарот Дрискол е оптимист. Се надеваме дека наскоро ќе добиеме одговор од Русите. Сè се движи со голема брзина“, рекол анонимниот функционер.
Големата дилема е како ќе реагираат украинските војници на оваа вест, со оглед на тоа што вчера некои од нив испратија порака дека нема да го прифатат срамниот договор.
