[ФОТО] Оваа европска земја затрупана во снег: Патиштата блокирани, на сила жолт метеоаларм!

Сообраќајот денеска се одвивал тешко откако синоќа паднал обилен снег на планинскиот Централен Масив, Нормандија и во близина на Пиринеите, пренесува телевизија „BfM“.

Возачите се предупредени на максимална внимателност во пределот на Лоаре, соопштила Управата за патишта во регионот централен Масив во јужниот и централниот дел на земјата.

Националниот автопат N88 којшто ги поврзува Лион и Тулуз е блокиран кај местото Сент Етјен, откако дошло до бројни застои.

Во Лоаре условите за возење се многу отежнати во повеќе градови, меѓу кои и Ле Пертуи.

Како што се наведува, сообраќајот е отежнат и на автопатиштата N122, А89 и А6...

Кога станува збор за Нормандија, метеоролозите наведуваат дека најмногу снег наврнало во Сен-Женевиев-де-Боа, а снежната покривка изнесува 5 сантиметри.

Како што предупредиле метеоролошките служби, снегот денес се очекува и во пониските предели, особено во централниот и источниот дел на Франција.