Карим Бензема направи ексклузивно интервју за „АС“ и се отвори на низа интересни теми поврзани за актуелноста во Саудиска Арабија и минатото во Реал Мадрид, но исто така доби за задача да бира и тим кој според него е најдобар во историјата.
Францускиот фудбалски мајстор ја круниса својата кариера во Европа со освоена „Златна топка“ откако освои се што може да се освои во Реал Мадрид, а од својата етапа во „кралскиот клуб“, не заборави да наброи четворица поранешни соиграчи во идеалниот тим.
Марсело, Пепе, Рамос и Кристијано Роналдо се соиграчите кои се најдоа во идеалната 11-ка на Карим, додека Лука Модриќ доби место на клупата на резерви.
Набројувањето на Бензема започна со Мануел Нојер како голман, во одбраната ги вметна Марсело, Рамос и Пепе, но место најде и за Дани Алвес од Барселона.
Во средниот ред направи изненадување бидејќи прв го спомена Погба, а во продолжение не ги заборави и Зинедин Зидан и Роналдињо.
Напаѓачката тројка ја започна со Роналдо Феномено, но меѓу најдобрите 11 ги вброја и Лео Меси и Кристијано Роналдо.
Бензема се стави себеси на клупата за резерви, и тоа во друштво на Андрес Иниеста и Лука Модриќ.
Видеото погледнете го ТУКА.
