Вулканот Сакураџима, сместен на западниот јапонски остров Кјушу, во неделата еруптираше неколку пати, исфрлајќи облаци чад и пепел високи до 4,4 километри.
Вулканот, кој се наоѓа на јужниот врв на Кјушу, во близина на градот Кагошима, првпат еруптираше околу 1 часот по полноќ (16:00 GMT во саботата), соопшти Јапонската метеоролошка агенција (JMA). Дополнителни две ерупции се случиле околу 2:30 и 8:50 часот наутро.
Ова е прва ерупција што достигнала висина од четири километри или повеќе по речиси 13 месеци, објави новинската агенција „Kyodo“.
The Sakurajima volcano in Kagoshima Prefecture, southwestern Japan erupted early Sunday morning, with plumes rising up to 4,400 meters above the summit crater.
— Massimo (@Rainmaker1973) November 16, 2025
This is the recording of the initial moments of the eruption. pic.twitter.com/Wm5lvw1ITX
Локалните медиуми јавуваат дека околу 30 летови од и до аеродромот во Кагошима биле откажани поради големата количина пепел.
Од "JMA" соопштија дека вулканскиот пепел по последната ерупција се движи кон североисток и се очекува да падне врз Кагошима, како и во соседната префектура Мијаѕаки во текот на неделата.
Sakurajima volcano on Kyushu, Japan erupted multiple times sending ash over 2.7 miles into the air and forcing dozens of flight cancellations as authorities monitored ongoing activity https://t.co/TIhoyaFYWi pic.twitter.com/0QFoWzrfo2
— Reuters (@Reuters) November 16, 2025
Сакураџима е еден од најактивните вулкани во Јапонија, а ерупции со различен интензитет се случуваат редовно. Во 2019 година исфрлаше пепел до висина од 5,5 километри.
