Компанијата ICONIC LABS од Обединети Арапски Емирати ја освои престижната награда за категорија „Best Innovation: Filter Technology“ на „World Tobacco Middle East Expo“ во Дубаи, кој се одржа оваа недела на 11 и 12 ноември.
Наградата е заедничка со компанијата ARD Filters од ОАЕ – единствената лиценцирана компанија во светот што ги произведува иновативните филтри, додека компанијата ICONIC LABS ги води истражувањето и развојот, ја обезбедува заштитата на интелектуалната сопственост и е носител на патентните права за овие иновации.
Зад оваа технолошка иновација стои македонски тим кој разви решение поддржано со две иновации и две патентни апликации. Првата иновација е веќе официјално патентирана во 44 земји на пет континенти, а втората е со заштитени права на интелектуална сопственост во 179 земји ширум светот.
Важно е да се истакне дека иновацијата не останува само на хартија — веќе е успешно завршено тест-производство на готовиот производ, а во наредниот период се очекува неговото пазарно лансирање на глобално ниво. Филтерот, наречен A-Filter (adjustable filter), е прилагодлив и им помага на корисниците да ги усогласат своите секојдневни навики со поголема грижа за нивната здравствена состојба.
Организаторот на саемот оваа година додели награди во седум категории, меѓу кои:
• Best New Tobacco Product
• Best Innovation in Filter Technology (категорија во која ICONIC LABS и ARD Filters се победници)
• Best Innovation in Packaging Materials
• Best Innovation in Leaf Tobacco
• Best Branding and Marketing
• Best Innovation in Manufacturing Equipment
• Best ESG Initiative
Ова признание ја потврдува посветеноста кон иновации и дефинирање нови стандарди. Револуциониот филтер претставува значаен чекор напред — технологија создадена за подобри навики и поголема грижа за корисниците.
Со оваа награда, повторно македонски тим е признат како светски лидер во иновации — тим што создава стандарди и со силна мотивација ја обликува иднината.
На церемонијата за доделување на наградите, во име на компанијата ICONIC LABS наградата ја прими Сашо Трпески, лидер на проектот, кој заедно со тимот го реализираше и комплетираше развојот на иновациите од првата идеја, преку тест-производството, па сè до подготвеност за масовно производство.
