Објект со урнати ѕидови, покрив што пропаѓа и подови во распаѓање – повеќе личел на опасност отколку на можност.

И покрај тоа, главните херои на приказната донеле храбра одлука – да ја вложат својата заштеда и да го документираат целиот процес на реновирање, со што буквално ги воодушевиле корисниците на социјалните мрежи.

„Купивме дупка“

Пар од Велс решил да купи стара, запуштена црква и да ја претвори во дом кој денес изгледа како вистинско уметничко дело.

„Купивме дупка што никој не ја сакаше во улицата“, признале тие во еден вирален видео-клип на "TikTok".

И навистина – повеќето луѓе таму би виделе само урнатина, но тие виделе потенцијал.

Кога првпат влегле внатре, ѕидовите се распаѓале, а стаорците биле побројни од штиците на подот.

Многу упорност и трпение

Со визија, упорност и огромно трпение, полека почнале да го оживуваат она што другите одамна го отфрлиле.

Процесот бил долг и исцрпувачки – требало да се обнови покривот, исчистат ѕидовите до темел и целосно да се реконструира внатрешноста.

Денес, наместо запуштена црква, на истото место стои модерен, светол и простран дом што зрачи со топлина и карактер, пренесува "Večernji.hr".

Вирални снимки

Парот внимателно ги зачувал автентичните елементи – високите тавани, дрвените греди и делови од оригиналната тула – и ги споил со минималистички, современи детали.

Резултатот е ентериер што ги спојува минатото и сегашноста во совршена хармонија.

Фотографиите и видеата што ја прикажуваат трансформацијата станаа вирален хит и предизвикаа восхит кај гледачите.

Еден коментатор напиша: „Морам да ја подигнам вилицата од подот – неверојатно“, додека друг додаде: „Сè има потенцијал, само ако доволно ти е грижа.“