Ова е едноставен и ефективен начин да го смирите грлото, да ја ублажите кашлицата и да го зајакнете имунитетот – а можат да го користат и деца и возрасни.

Ловорот никогаш не служел само како зачин. Неговите антивоспалителни и антисептички својства го прават силен сојузник во сезоната на вируси и настинки. Природното етерично масло од ловор ги прочистува дишните патишта, го дезинфицира просторот и го олеснува дишењето, а листовите се богати со минерали и витамини од групата Б.

Затоа овој сируп стана неизбежен домашен лек против кашлица во многу семејства – идеален за зимскиот период, но и превентивно во текот на целата година.

За него ви се потребни:

• 6 парчиња сув ловоров лист

• 1 лимон

• 3–4 кафени лажички кафеав шеќер или мед

Подготовка:

Во сад зовријте 2,5 дл вода. Додадете ги парчињата ловоров лист и варете со капак околу 5-10 минути.

Потоа извадете ги листовите, а течноста префрлете ја во друг сад. Додадете кафеав шеќер или мед и сок од еден лимон, па добро измешајте.

Сирупот може да се чува и надвор од фрижидер. Се зема наутро и навечер, а може и преку ден – нема да штети.

Децата можат да пијат по една мала лажичка дневно.

Ако кашлицата е силна, во сирупот може да додадете неколку листови свежо нане. А ако не сте болни, можете да го земате превентивно – секое утро по една кафена лажичка.

Кашлицата ќе се смири, а потоа и целосно ќе исчезне. Овој сируп е совршен избор за зимските денови, а можете да го користите и како превенција.