Јувентус по подолго време забележа победа во Серија А и тоа против Удинезе кој падна во Торино со 3-1.
„Старата дама“ немаше ниту еден триумф од месец септември, а пред соочувањето со Удинезе беше четири натпревари без погодок што донесе реакција на управата која го отпушти Игор Тудор.
Промената, шокот донесе резултат и Јувентус оствари победа за три важни бода, но останува дилемата, прашањето дали екипата може констатно да бележи добри резултати.
- Сменивме три тренери за една и пол година. Треба да се погледнеме во огледало и да видиме што правиме погрешно. Не мислам дека е исправно да се обвинува само едно лице. Одговорноста е на сите. Денес требаше да испратиме сигнал и го направивме тоа, но ако не продолжиме да го правиме тоа во следните натпревари, тоа нема да значи ништо. Треба помалку да зборуваме, а повеќе да правиме.
- Сакам да ја искористам оваа можност да му се заблагодарам на тренерот Тудор за она што го направи, за она што го претставува за Јувентус и да му посакам многу среќа, - истакна Душан Влаховиќ кој запрашан за неговата иднина, тој порача:
- Не знам што може да се случи, никогаш не вели никогаш, но навистина не знам.Фокусиран сум на сегашноста. Да се зборува за тоа сега нема смисла со оглед на ситуацијата во која се наоѓаме. Треба да зборуваме помалку, а да правиме повеќе; треба да се вратиме на подобри перформанси и победи. Тоа е мојот фокус. Беа тешки неколку дена, но останавме фокусирани. По натпреварот со Лацио, размислувавме што треба да направиме вечерва. Задоволни сме од победата, но мора да продолжиме вака, - истакна напаѓачот.
