Брзо возење, брзо полнење

Најновата верзија на електричниот SUV ја носи ознаката "GTS" (традиција започната со моделот „904 Carrera GTS“ во 1963 година) и нуди врвна динамика на возење и импресивно забрзување.

Забрзувањето од 0 до 100 km/h трае само 3,8 секунди, а до 200 km/h стигнува за 13,3 секунди, со максимална брзина ограничена на 250 km/h.

Како и моделот „Macan Turbo“, и "GTS" користи електричен мотор на задната оска – најмоќниот во оваа серија – кој во комбинација со предниот мотор испорачува 380 kW (516 коњски сили) континуирана моќност, односно 420 kW во режимот "Launch Control", со максимален вртежен момент од 955 Nm.

„Macan GTS“ нуди комбиниран "WLTP" домет до 586 километри. Високонапонската батерија со капацитет од 100 kWh може да се наполни од 10 до 80% за околу 21 минута на брза полначка станица, со врвна моќност на полнење од 270 kW.

Стандардната опрема вклучува погон на сите тркала и систем "Porsche Torque Vectoring Plus" со електронски контролирана блокада на диференцијалот за подобрена тракција и агилност. Овој модел има и најниско тежиште во целата "Macan" линија.

Инженерите посебно го усовршиле спортскиот воздушен амортизер, кој е дополнително спуштен за 10 милиметри и има специјално приспособени амортизери и стабилизатори. Како опција, достапно е и вртење на задната оска за уште подобра управливост.

Препознатлив „GTS“ дизајн

Емоционалниот карактер на „Macan GTS“ се пренесува и во звукот – системот "Porsche Electric Sport Sound" нуди два уникатни звучни профила, специјално дизајнирани за "GTS" режимите „Sport“ и „Sport Plus“.

Визуелно, новиот "GTS" се издвојува со детали во црна боја на предниот, страничниот и задниот дел – карактеристичен потпис за сите модели со ознака "GTS".

Посебно се истакнуваат затемнетите "Matrix LED" предни светла, додека во дигиталниот кокпит се наоѓа 3D визуализација на возилото која ја прикажува неговата реална надворешна боја. На инструменталната табла доминира логото „GTS“.

„Porsche“ најави дека од почетокот на 2026 година ќе понуди и нов "Sport Design" пакет достапен за сите модели на „Macan“.

Технологија и интелигенција од нова генерација

Новиот модел ги носи и најновите ажурирања од целата „Macan“ линија, кои вклучуваат подобрени системи за асистенција при возење и напредни дигитални функции.

Меѓу нив се:

• дигитален клуч како дополнување на физичкиот,

• нови системи за асистенција при паркирање,

• гласовен асистент "Voice Pilot" потпомогнат со вештачка интелигенција,

• проширени можности за игри во автомобилот,

• како и зголемена влечна способност до 2.500 килограми.

Со сето ова, „Porsche Macan GTS“ ја дефинира следната фаза на електричната спортска еволуција – совршена рамнотежа меѓу перформанси, технологија и страст.