Загубата на меморијата и сè почестата заборавност често се припишуваат на природниот процес на стареење. Според податоците на „CDC“, едно од десет возрасни лица постари од 45 години пријавило дека во некој момент доживеало загуба на меморијата. Староста е секако природна и надвор од нашата контрола, но дали опаѓањето на способноста за паметење е неизбежно?

„Поголемиот дел од нас имаат многу повеќе контрола отколку што мислиме кога станува збор за зачувување на меморијата и здравјето на мозокот“, вели д-р Гари Смол, доктор на медицина и претседател на Одделот за психијатрија во Медицинскиот центар на Универзитетот Хакенсак.

Ова не значи дека можете целосно да спречите когнитивен пад или да се заштитите сами од болести како Алцхајмер. Запомнете, сè уште немаме целосен увид во тоа што всушност предизвикува Алцхајмерова болест.

Сепак, д-р Смол го проучува мозокот повеќе од четири децении. Тој добил сертификат од Американскиот одбор за психијатрија и неврологија во 1983 година и напишал книга за меморијата под наслов „Библија на меморијата: Иновативна стратегија за зачувување на млад мозок“. Тој се заколнува на една едноставна техника од три чекори за зачувување на меморијата.

„Повеќе методи, кои ја компензираат загубата на меморијата поврзана со стареењето, можат да се сведат на три зборови, и се колнам во нивната ефикасност – набљудувај, запиши и поврзи“, вели д-р Смол.

Еве што тоа значи:

• Набљудувај

Сметајте го овој збор како пријателски потсетник да го насочите вниманието.

„Најголемата причина зошто луѓето забораваат е затоа што не се сосредочени и никогаш целосно не ја научиле информацијата“, вели д-р Смол.

• Запиши

Не, не со прсти.

„Ова нè потсетува да направиме ментална снимка на она што сакаме подоцна да го запаметиме. Ова ни овозможува да ја искористиме природната способност на мозокот да памети визуелни информации“, објаснува д-р Смол.

• Поврзи

Последниот чекор се надоврзува на претходните два.

„Ова е начин тие ментални снимки да се поврзат така што ќе имаат лично значење. Ако нешто го направиме значајно, тоа ќе стане запаметливо“, вели д-р Смол.