МЛС лигата, позната по иновации и стремеж да привлече што поголем број гледачи ширум светот, неодамна воведе т.н. „Ref cam“ – камера што се носи на опремата на судијата и го снима натпреварот од негова перспектива.
Оваа технологија им овозможува на фановите да ја видат играта „од прво лице“, односно преку очите на арбитерот, а лигата редовно објавува најинтересни моменти од теренот.
Најновиот вирален момент се случил на натпреварот помеѓу Синсинати и Орландо Сити (1:1). Во 86-та минута, дефанзивецот на Орландо, Родриго Шлегел, направил прекршок пред својот шеснаесетник. Судијата Росендо Мендоса бил во непосредна близина и без двоумење посегнал по џебот, покажувајќи му жолт картон.
Ref CamRef cam is pure comedy. 🤣
Posted by Major League Soccer (MLS) on Wednesday, October 1, 2025
Шлегел тогаш паднал на колена и почнал да го моли судијата на шпански јазик: „Не ми давај картон, ќе го пропуштам следниот натпревар! Ја допрев топката!“.
Сепак, апелот не вродил со плод и картонoт останал на сила.
Поради овој жолт картон, Родриго Шлегел нема да настапи на следниот натпревар на Орландо против Колумбус, закажан за 5-ти октомври. Снимката од неговото молење стана вистински хит на социјалните мрежи, а фановите уживаа во несекојдневната, забавна сцена.
